Një ditë pas shënimit të Ditës Ndërkombëtare të Turizmit, kryeministri i Shqipërisë, Edi Rama, ka ndarë me ndjekësit e tij një videokartolinë të veçantë të realizuar nga Agjencia Kombëtare e Zonave të Mbrojtura.
Në këtë video paraqiten bukuritë natyrore të Shqipërisë, nga majat e Alpeve, te liqenet, lagunat dhe bregdeti shqiptar, ndërsa shfaqen edhe turistë që fotografojnë këto peizazhe për t’i ruajtur si kujtime të bukura.
Përmes një postimi në rrjetet sociale, Rama shkruan:
“MIRËMËNGJES
dhe me këtë videokartolinë të realizuar për Ditën Botërore të Turizmit, që sjell bukuritë e zonave tona të mbrojtura, nga majat e Alpeve, te liqenet, lagunat dhe bregdeti magjik, ju uroj një të diel të paqtë”.
