Presidentja e Komisionit Evropian, Ursula von der Leyen, ka njoftuar se nesër do të jetë në Uashington për të marrë pjesë në takimin ndërmjet Volodymyr Zelenskyt dhe Donald Trump.
Këtë e bëri të ditur vetë ajo përmes një postimi në platformën “X”, ku theksoi se ftesa për të marrë pjesë në këtë takim erdhi nga vetë presidenti ukrainas.
“Me kërkesë të presidentit Zelensky, unë do të bashkohem me presidentin Trump dhe udhëheqës të tjerë evropianë në Shtëpinë e Bardhë nesër”, ka shkruar von der Leyen, pa zbuluar se cilët liderë të tjerë do të marrin pjesë.
