Sipas të dhënave nga mediat finlandeze, Rusia ka nisur gjatë dimrit të kaluar punime të mëdha ndërtimore në qytetin ushtarak të mbyllur Lupçe-Savino, pranë kufirit me Laponinë finlandeze. Janë ndërtuar disa ndërtesa të reja për një brigadë të re artilerie dhe një pjesë të brigadës inxhinierike. Më parë, kjo zonë përdorej vetëm për magazinim.
Eksperti ushtarak finlandez Marko Eklund pohon se ky zhvillim tregon për një qëllim afatgjatë të Rusisë për të rritur forcat në rajon, jo thjesht për t’i dërguar në Ukrainë. Kjo zonë është me rëndësi strategjike, pasi ndodhet në një korridor të ngushtë që lidh Gadishullin Kola me pjesën tjetër të Rusisë.
Përveç Lupçe-Savinos, satelitët kanë zbuluar ndryshime edhe në garnizonin Sapjornoje, në Prevallën Karelie, ku janë shfaqur pajisje të shumta inxhinierike dhe mund të shërbejë si bazë mbështetëse për garnizonin Kamenka, i cili po zgjerohet në divizion.
Një zhvillim tjetër i madh është krijimi i 44. korpusit ushtarak në Republikën e Karelisë, me rreth 15.000 ushtarë të rinj. Ndërkohë, në Petrozavodsk janë ndërtuar magazina të reja për pajisje ushtarake të rinovuara dhe është krijuar një brigadë e trupave hekurudhore.
Rusia e justifikon këtë forcim me anëtarësimin e Finlandës dhe Suedisë në NATO, duke rikthyer edhe Rrethin Ushtarak të Leningradit, që ndodhet afër kufirit finlandez. Nga rreth 30.000 trupa para luftës në Ukrainë, numri mund të rritet në 100.000, me shumë më tepër tanke dhe pajisje luftarake të dislokuara afër kufirit.
Ky zhvillim përbën një rritje të qartë të tensioneve ushtarake në kufirin lindor të NATO-s./express/
