Gazeta Sinjali raportoi sot për ndalimin e një pjesëtari të Policisë, i cili është arrestuar mbrëmë nga Inspektorati Policor i Kosovës, nën dyshimin për dy vepra penale.
Burimet brenda Prokurroisë kanë bërë me dije për Gazetën Sinjali se polici i arrestuar është Enis Sefa nga Gjakova.
Sefa dyshohet se është arrestuar nën dyshimet për ngacmim dhe dhunim të një vajze të mitur.
Arrestimi i tij erdhi pas denoncimit të rastit, për të cilin akoma nuk dihen detajet dhe rrethanat e tjera.
Ndaj zyrtarit policor të dyshuar pritet të merren veprimet e nevojshme hetimore, brenda afatit ligjor./Sinjali/
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
