Të paktën 569 kamionë ndihma kanë hyrë në Gaza që nga 21 tetori, tha zyra humanitare e Kombeve të Bashkuara (OCHA) në përditësimin e saj të rregullt të hënën.
Rreth 93 kamionë që transportonin kryesisht artikuj ushqimorë, ilaçe, furnizime shëndetësore, ujë në shishe dhe produkte higjienike kaluan nga Egjipti në Gaza të hënën, raporton CNN.
Para fillimit të armiqësive, mesatarisht 500 kamionë hynin në Gaza çdo ditë pune, theksoi ai.
OCHA theksoi se hyrja e karburantit është “e nevojshme dëshpërimisht” për të operuar gjeneratorët e energjisë elektrike për të vënë në punë pajisjet e shpëtimit, por mbetet e ndaluar nga autoritetet izraelite.
“Gaza mbetet nën një ndërprerje të plotë të energjisë elektrike që nga 11 tetori, pas ndalimit të furnizimit me energji dhe karburant nga Izraeli, gjë që shkaktoi mbylljen e termocentralit të vetëm të Gazës”, tha OCHA.
/klankosova/
