Kombet e Bashkuara po bëjnë “çdo përpjekje” për të zgjatur marrëveshjen e drithit në Detin e Zi, e cila do të përfundojë së shpejti, ka thënë shefja e tregtisë, raporton Skynews.
“Ne duhet të vazhdojmë të ulim çmimet dhe të kemi tregje të qëndrueshme të ushqimit dhe plehrave në botë”, u tha Rebeca Grynspan gazetarëve në Gjenevë.
Kombet e Bashkuara mbeten të përkushtuara për të bërë çdo përpjekje për vazhdimin e marrëveshjeve.
Grynspan tha gjithashtu se një zyrtar i OKB-së mund të duhet të vizitojë Rusinë në një përpjekje për të shpëtuar marrëveshjen, e cila garanton sigurinë e anijeve që nisen dhe mbërrijnë në portet ukrainase në ujërat e kontrolluara nga Rusia.
“Ne do të konsiderojmë të shkojmë në Moskë në ditët që kanë mbetur, por kjo ende nuk është konfirmuar”, tha ajo.
Marrëveshja është caktuar të skadojë më 17 korrik.
/klankosova/
