Ukraina do të rimarrë Krimenë, tha presidenti ukrainas Volodymyr Zelensky të enjten gjatë një fjalimi të drejtpërdrejtë në takimin vjetor të Forumit Ekonomik Botëror në Davos.
Kur u pyet, nëse ai synonte të çlironte Krimenë, Zelensky u përgjigj duke thënë se kërkonte më shumë armë perëndimore.
“Nuk është një qëllim, është toka jonë,” tha ai. “Krimeja është deti dhe malet tona. Na jepni armët tuaja dhe ne do t’i rimarrim tokat tona.”
Kjo nuk është hera e parë që Zelensky është zotuar se do të marrë Krimenë nga Moska në 2014 që kur filloi pushtimi i plotë i Ukrainës nga Rusia vitin e kaluar. Duke folur gushtin e kaluar, ai theksoi se për ukrainasit, Krimea “nuk është vetëm një territor” apo edhe një “figurë në lojën gjeopolitike”.
“Për Ukrainën, Krimea është një pjesë e popullit tonë, e shoqërisë sonë, një komunitet njerëzish të cilëve u garantojmë lirinë”, citohet të ketë thënë ai.
/abcnews.al
