Fillimi i pushimeve dhe mungesa e stafit po shkakton kaos në aeroportin e Cyrihut. Swissport regjistroi vetëm dje rreth 250 raportime për bagazhe të humbura.
Kërkesa e madhe për fluturime, mungesa e stafit të aeroportit dhe fluturimet e vonuara po shkaktojnë telashe.
Vëllimi i valixheve të dorëzuara është aktualisht pesë herë më i lartë se gjatë operacioneve normale të fluturimit.
“Për shkak të rritjes së anulimeve të fluturimeve, vonesave dhe mungesës së stafit në aeroportet e huaja, gjithnjë e më shumë pasagjerë po mbërrijnë aktualisht në Cyrih pa bagazhe” ka thënë zëdhënësja Nathalie Berchtold./Indeksonline/
