​Prokuroria Speciale e konfirmon, Rizvanolli po intervistohet në cilësinë e dëshmitares

Prokuroria Speciale e ka konfirmuar se sot, ministrja Artane Rizvanolli, është paraqitur në Prokurorinë Speciale me ftesë të kësaj prokurorie.

“E njëjta është duke u intervistuar në cilësinë e dëshmitares për një çështje penale, të cilën kjo prokurori e ka në hetim”, thuhet në njoftim.

KosovaPress ka raportuar se Rizvanolli së bashku me avokatin e saj është parë teksa hynte në ndërtesën e prokurorisë. /KosovaPress/