​Mehaj: Nuk kemi datë për largimin e ushtarëve ukrainas nga Kosova

Pas situatës së krijuar në Ukrainë është përmendur mundësia që ushtarët e këtij shteti të cilët shërbejnë në kuadër të KFOR-it në Kosovë, të largohen por ministri i Mbrojtjes, Armend Mehaj ka thënë se nuk ka një datë konkrete për këtë.

Megjithatë, Mehaj ka thënë se Kosova i respekton nevojat shtetërore të Ukrainës në këtë situatë.

Mehaj: Nuk ka datë konkrete për largimin e ushtarëve ukrainas

“Nuk kemi datë konkrete… KFOR-i ukrainas është në shërbim të KFOR-it, kanë strukturat e veta, ata i kanë nevojat e veta shtetërore dhe ne i respektojmë këto”, u ka thënë Mehaj gazetarëve.

Kujtojmë që presidenti i Ukrainës, Volodymyr Zelensky kishte ftuar të gjithë vendasit që shërbejnë në të gjitha misionet në botë të forcojnë ushtrinë ukrainase kundër agresionit rus. /KosovaPress/