​Gjermania nga 1 gushti ashpërson rregullat për të kthyerit nga pushimet

Qeveria gjermane do të vendosë rregulla më të rrepta për gjermanët që kthehen në vend nga pushimet të dielën, njoftoi sot ministri i Shëndetësisë Jens Spahn.

Sipas ligjit të ri, të gjithë udhëtarët që hyjnë në Gjermani që nuk janë vaksinuar ose nuk kanë marrë COVID-19 duhet të kenë një test negativ të koronavirusit që nga e diela.

Deri më tani, kjo vlente vetëm për pasagjerët në aeroplan, dhe tani është shtrirë edhe për të tjerët.

Masa do të hyjë në fuqi më 1 gusht dhe do të jetë në fuqi deri në fund të vitit, me përjashtim të fëmijëve nën moshën 12-vjeç dhe atyre që kalojnë kufirin gjerman çdo ditë për shkak të punës.

Kontrollet e trafikut rrugor nuk do të kryhen në mënyrë sistematike, por sporadike, thonë zyrtarët.

“Të gjithë njerëzit e pa vaksinuar që hyjnë në Gjermani do të duhet të tregojnë një test, pavarësisht nëse vijnë me aeroplan, rrugë ose tren. Në këtë mënyrë, ne do të zvogëlojmë rrezikun e importeve shtesë të infeksionit,” tha Spahn.

Aktualisht, mbi 50 për qind e gjermanëve janë plotësisht të vaksinuar dhe qeveria apelon çdo ditë te qytetarët që të vaksinohen.