Zgjidhet ushtruesi i detyrës së kryeshefit në KRU “Gjakova”

Bordi i drejtorëve të KRU “Gjakova” ka vendosur dje unanimisht se ushtrues detyre i Kryeshefit të Kompanisë Rajonale të Ujësjellësit të jetë Visar Hasi.

Hasi ishte ushtrues detyre edhe në periudhën tetor 2021 deri në shtator 2022.

Ky vendim u mor pas arrestimit në Bullgari të Hasan Krasniqit, pasi ishte person i kërkuar nga Interpoli.

“Shtetasi i Republikës së Kosovës është ndaluar pasi që i njëjti supozohet të jetë person i kërkuar nga Interpoli”, sipas MPJ-së.

Prokuroria italiane dyshon se Krasniqi është përfshirë në trafkim të njerëzve me dokumente të falsifikuara.