Aksidentohet një kamion me një veturë në Gjakovë, lëndohet një person
Presidenti Volodymir Zelensky është shprehur se Ukraina ka potencialin për t’i shkaktuar humbje të mëdha Rusisë, duke shënuar përparime në fushën e betejës, sipas The Guardian.
Pas një takimi me komandantë të lartë ushtarakë, ai tha se grupi diskutoi furnizimin me armë të Ukrainës, duke shtuar se intensiteti i sulmeve ndaj rusëve duhet të rritet.
“Ne folëm për situatën aktuale në vijën e frontit, rreth Ukrainës. Kemi përcaktuar detyra në disa fusha taktike për të forcuar pozicionet tona. Gjithashtu kemi diskutuar çështjen e furnizimit të trupave me armë moderne – intensiteti i sulmit ndaj armikut ende nuk është rritur.
Pjesëmarrësit në mbledhjen e shtabit ranë dakord se ne kemi një potencial të konsiderueshëm për avancimin e forcave tona dhe për t’i shkaktuar humbje të reja të rëndësishme pushtuesve”, tha ai.
Kievi shpreson që armët perëndimore, veçanërisht raketat me rreze më të gjatë si Himars të SHBA-v do ta lejojnë Ukrainën të nisë kundërsulme dhe të rimarrë territoret.
/abcnews.al
