Ukraina dhe Rusia do të nënshkruajnë marrëveshjen jetike, e para që pas nisjes së luftës

Ukraina dhe Rusia do të nënshkruajnë një marrëveshje të rëndësishme këtë të premte. Marrëveshja synon të lehtësojë krizën globale ushqimore të shkaktuar nga eksportet e bllokuara të drithërave në Detin e Zi.

Kjo shënon marrëveshjen e parë të madhe midis palëve ndërluftuese që kur Rusia pushtoi Ukrainën në shkurt dhe vjen pasi çmimet globale të ushqimeve janë rritur dhe njerëzit në disa nga vendet më të varfra të botës po përballen me urinë.

Marrëveshja është ndërmjetësuar nga Turqia dhe Kombet e Bashkuara; presidentit Recep Tayyip Erdogan do t’i bashkohet Sekretari i Përgjithshëm i OKB-së Antonio Guterres për një ceremoni nënshkrimi në orën 13:30 në Pallatin Dolmabahçe në Stamboll.

Turqia, anëtare e NATO-s, ka pasur marrëdhënie të mira me Moskën dhe Kievin gjatë gjithë konfliktit.

Lufta po zhvillohet në një nga rajonet më pjellore të Europës nëpërmjet dy prodhuesve më të mëdhenj në botë të drithit.

“Eksportet do të kryhen përmes tre porteve: Odesa, Pivdennyi dhe Chornomorsk. Por në të ardhmen ne shpresojmë se mund t’i zgjerojmë ato,” u tha gazetarëve ligjvënësi ukrainas Rustem Umerov. Ai shtoi se siguria e dërgesave do të mbikëqyret nga një grup monitorues i OKB-së me bazë në Stamboll.

Umerov tha gjithashtu se anijet ruse nuk duhet të lejohen në ujërat e Ukrainës si pjesë e marrëveshjes së parashikuar. “Ne nuk u besojmë atyre, edhe nëse nënshkruajnë një marrëveshje me OKB. Ky është një vend agresor,” tha ai./AnabelMedia/