Aksidentohet një kamion me një veturë në Gjakovë, lëndohet një person
Donald Trump deklaroi se më mirë të shkonte në burg sesa të zbatonte një urdhër në gjyqin e tij penal.
Kjo vetëm disa orë pasi gjykatësi që mbikëqyrte gjyqin e tij kërcënoi se do ta fuste ish-presidentin në burg.
“Sinqerisht, Kushtetuta jonë është shumë më e rëndësishme se burgu”, tha Trump.
“Unë do ta bëj atë sakrificë çdo ditë”
Gjykatësi Juan Merchan paralajmëroi se Trump do të përballej me burgim nëse shkelte urdhrin që e ndalon të komentojë publikisht për juristët, dëshmitarët dhe të tjerët të përfshirë në çështje.
Por ish-presidenti tashmë e ka shkelur këtë urdhër dhe ka marrë 10 mijë dollarë gjobë që nga fillimi i gjykimit, 1 mijë dollarë për çdo shkelje.
“Duket se gjobat prej 1000 dollarësh nuk po shërbejnë si pengesë. Në vazhdim, kjo gjykatë do të duhet të marrë në konsideratë një sanksion me burg”, tha Merchan të hënën.
Por kandidati i supozuar i GOP e përdori shpejt deklaratën e Merchan për mbështetje në fushatën me donatorët e tij.
Një email për mbledhjen e fondeve, dërguar të hënën përpara gjykatës, thoshte: “Gjyqtari liberal në New York sapo kërcënoi se do të më fuste në burg. Ata më duan në pranga”.
Email-i inkurajoi mbështetësit e Trump dhe drejtoi donacione për një komitet të përbashkët për mbledhjen e fondeve të nisur këtë pranverë.
Vendimet i ofrojnë Trumpit një mënyrë të re për të kritikuar sistemin e gjyqit dhe të drejtësisë penale, për të cilin ai ka pohuar se është i padrejtë dhe i njëanshëm kundër tij./Albanianpost.com
