Aksidentohet një kamion me një veturë në Gjakovë, lëndohet një person
Kampioni kosovar i atletikës, Tirron Mamusha, ka arritur të fitojë vendin e dytë në gjysmëmaratonën e Manastirit, në Maqedoninë e Veriut.
Kjo garë e mbajtur të dielën e 4 shtatorit, altetit nga Gjakova i ka sjellë fitore.
Për Mamushën nuk është hera e parë që del fitues në gara të tilla.
I riu nga Gjakova është shpallur kampion i Shqipërisë në sportin e atletikës, në garën e zhvilluar me datë 23 dhe 24 maj të këtij viti të mbajtur në Elbasan.
Kjo garë është organizuar nga Federata Shqiptare e Atletikës.
Ndërsa, në qershor të këtij viti atleti ka fituar vendin e tretë në gjysmëmaratonën e Ohrit në Maqedoninë e Veriut.
Përveç garave në Kosovë dhe rajon, Mamusha ka marrë pjesë edhe në maratonat në Bosnje, Zvicër dhe Gjermani.
Ndërkaq ai ka sfiduar vetën me shtigjet e gjata në Romë, Athinë dhe Sarajevë për t’i matur forcat me vrapuesit e njohur ndërkombëtarë.
Synimi i tij është që sa më shpejt të marrë pjesë në Lojërat Olimpike.
24 vjeçari, nga Gjakova është rritur në një familje sporistësh në lagjen afër Pallatit të Sporteve “Shani Nushi”.
Ndryshe, atletika është një nga sportet më të lashta, që është përfshirë në programin e rregullt të Lojërave Olimpike që në vitin 1896, në Olimpiadën e Parë të kohërave moderne.
/Dukagjini/
