Tërheqja e Rusisë nga marrëveshja e grurit, reagon Erdogan

Presidenti turk Recep Tayyip Erdogan ka thënë se Turqia do të vazhdojë përpjekjet e saj për marrëveshjen e eksportit të grurit në Detin e Zi, pavarësisht hezitimit rus.

“Edhe nëse Rusia sillet me hezitim sepse nuk mori të njëjtat përfitime, ne do të vazhdojmë me vendosmëri përpjekjet tona për t’i shërbyer njerëzimit”, tha Erdogan.

Më herët, një zëdhënës i OKB-së tha se i pari nga 40 inspektimet e planifikuara të anijeve të hënën ishte përfunduar në ujërat e Stambollit me një ekip prej vetëm anëtarësh të OKB-së dhe turqve, në vend të ekipeve të mëparshme katër anëtarësh duke përfshirë rusët dhe ukrainasit përpara pezullimit të Moskës. /abcnews.al