Shqipëri, gjatë 24 orëve të fundit shënohen 921 raste të reja me COVID

Shqipëria po përballet me një rritje të shpejtë të infektimeve me COVID-19. Ministria e Shëndetësisë pohon se një qytetar ka humbur jetën dhe 921 të tjerë janë konfirmuar pozitivë me coronavirus.

Rritja e infektimeve me COVID-19 natyrisht është shoqëruar me rritjen e numrit të të shtruarve në spital. Aktualisht në Spitalin Infektiv po marrin trajtim 96 pacientë, ndërsa rastet aktive kanë shkuar mbi 8 mijë.

Sipas MSH-së, 290 qytetarë janë shëruar gjatë 24 orëve të fundit, duke e çuar numrin e tyre në total në 132,376 që nga fillimi i pandemisë.

Shpërndarja gjeografike e rasteve aktive sipas qarqeve:

• Tiranë – 3103

• Shkodër – 1415

• Vlorë – 778

• Fier – 677

• Durrës – 582

• Lezhë – 428

• Elbasan – 379

• Berat – 289

• Gjirokastër – 253

• Korçë – 160

• Kukës – 130

• Dibër – 117.

Deri tani në Shqipëri kanë humbur jetën 2487 persona, ndërkaq shumica e tyre, kanë qenë më sëmundje të tjera shoqëruese.

Ministria e Shëndetësisë ditë më parë bëri me dije se muaji shtator do jetë muaj i hapur i vaksinimit dhe bazuar në këtë të gjithë qytetarët mbi 18 vjeç do mund të marrin injeksionet e nevojshme.

/KosovaPress/