Shpërthen gypi i ujërave të zeza, s’ka parashikim të motit nga Instituti Hidrometeorologjik i Kosovës

Parashikimet e motit nga Instituti Hidroemeteorologjik i Kosovës do të pezullohen për një kohë të pacaktuar.

Kështu ka bërë me dije meterologu kosovar, Besim Aliu i cili në një njoftim për medie thotë se arsyeja kryesore është shpërthimi i një gypi të ujërave të zeza.

Në këtë njoftim thuhet se ky problem është duke vazhduar për 6 muaj radhazi.

NJOFTIMI I PLOTË:

Të nderuar, për shkak të kushteve të rënda që janë krijuar në stacionin meteorologjik të IHMK pezullohen parashikimet e Motit për një kohë të pacaktuar.

Arsyeja:
Në afërsi dhe në brendi të stacionet Meteorologjik ka shpërthyer një gyp i ujërave të zeza dhe pavaresisht kerkesave të njëpasnjëshme drejtuar të gjithë aktereve , duke filluar, nga Kompania Bifurkacioni, Komunes, ( Sherbimeve Publike), Policisë, IHMK. Inspektoriatit të MMPHI dhe së fundmi edhe ministrit të MMPH, z. Aliu, nuk paten sukses ta rregullojnë defektin dhe kundermimet që janë krijuar aty më bënë të pamunder kryerjen e veprimtarisë sime profesionale.
Ky problem është që gati 6 muaj , mirëpo këto temperatura të larta e kanë rrit koncentrimin e ndotësve aty dhe është bërë e padurueshme qëndrimi në vendin e punës.
Shpresoj të më mirëkuptoni .
Me respekt !

/Reporteri/

Read Previous

Ura që do të transformojë udhëtimin në Ballkan

Read Next

Parashikimi i motit