Paris Saint-Germain hedh hapa vendimtarë drejt një “shtëpie” të re. Nëse fillimisht ideja e klubit parisien ishte të blinte “Parc des Princes”, ta zgjeronte atë dhe ta bënte një stadium të denjë për më të mirët në Evropë, dallimet e mendimeve mes Nasser Al-kHelaifi dhe kryebashkiakut të kryeqytetit francez pritet të sjellin zhvillime të reja.
Sipas raporteve nga “L’Equipe”, e gjithë vëmendja tani është zhvendosur te “Stade de France”, koncesioni aktual i të cilit skadon në vitin 2025.
Shteti, pronari i stadiumit, nisi dy tenderë në fillim të marsit, një për koncesionin, një për blerje të plotë. Dhe sipas gazetës franceze, PSG synon të përgjigjet më 27 prill (afati) duke paraqitur një propozim për blerjen e objektit në Saint-Denis.
Propozimi do të gjykohet 70% nga aftësia financiare e kandidatit për të fituar stadiumin dhe 30% e mbetur nga aftësia e tyre për ta menaxhuar atë. Më pas do të ketë një fazë tjetër nëse kandidatura e PSG-së është e suksesshme.
Nëse do të ketë ofrues të tjerë (FIFA, fondet e investimeve, kompanitë argëtuese, etj.), PSG do të jetë i vetmi që do të paraqitet si një klub përdorues i objektit, por jo si blerës.
PSG ka kryer studime të gjera për kalendarin dhe nga kjo rezulton se pritja e ndeshjeve të regbisë, por edhe ato të FFF-së, është në përputhje me kalendarin e tyre gjatë gjithë sezonit. /Albanianpost.com
