GTA 6 pritet të sjellë fitime rekord, parashikohen miliona porosi paraprake
Presidenti i Real Madridit, Florentino Perez, ka folur në një intervistë mediatike me gazetarin spanjoll Josep Pedrerol, ku ka prekur disa tema të rëndësishme: afatin kalimtar, marrëdhëniet me Barcelonën, situatën e Vinicius Junior dhe mundësinë e transferimit të Lamine Yamal.
Perez u ndal edhe te Kylian Mbappe, duke theksuar se sulmuesi është tashmë lojtar i Real Madridit dhe duke vlerësuar kontributin e tij.
“Mbappe është lojtar i Real Madridit aktualisht. Ai e fitoi ‘Këpucën e Artë’ dhe kjo nuk do të ishte e mundur pa shënuar gola. Megjithatë, ka gjëra që duhen përmirësuar. Ne jemi lënduar nga Liga e Kampionëve dhe gjyqtari që na caktuan… duhet ta kuptoj se ai (gjyqtari) nuk e bëri me qëllim të keq, sepse nuk ishte i vetëdijshëm”, ka deklaruar Perez.
Sa i përket transferimeve, ai konfirmoi se Real Madridi do të vazhdojë të kërkojë përforcime, por theksoi se vendimet konkrete i takojnë sektorit sportiv të klubit.
“A do të ketë përforcime? Sigurisht. Përforcime ka pasur gjithmonë dhe ne kemi firmosur gjithmonë më të mirët. Unë kam nënshkruar me Figo, Kaka, Ronaldon (Fenomenin), Beckham… Kur ka një lojtar të mirë, shkoj ta nënshkruaj. Për Haalandin nuk komentoj. Kjo është punë e drejtimit sportiv dhe unë nuk ndërhyj”, shtoi ai.
Marrëdhëniet me Barcelonën dhe rinovimi i Vinicius
Perez deklaroi se marrëdhënia me Barcelonën është “përfundimisht e mbyllur”, duke e lidhur këtë me rastin Negreira.
“A ka mbaruar marrëdhënia me Barcelonën? Po, plotësisht e mbyllur. Nuk dua asnjë marrëdhënie me një klub që ka paguar gjyqtarë për dy dekada. Dua që drejtësia të veprojë”, u shpreh kreu i Realit.
Në lidhje me të ardhmen e Vinicius Junior, Perez deklaroi se nuk ka urgjencë për rinovimin e kontratës dhe se procesi menaxhohet nga drejtimi sportiv.
“Rinovimet e kontratave nuk janë puna ime. Për mua, Vinicius është një nga lojtarët më të mëdhenj që ka Real Madridi. Ai i fitoi dy titujt e fundit të Ligës së Kampionëve. Nuk ka nxitim për rinovim, kemi gjithë sezonin të flasim. Ju mendoni se unë kontrolloj gjithçka, por rinovimi i Vinicius merret nga drejtimi sportiv”, tha ai.
Mourinho dhe Yamal
Perez mohoi edhe kontaktet me Jose Mourinhon, i cili flitet se do të jetë trajneri i ardhshëm i Real Madridit.
“Nuk kam folur me Mourinhon, as kur erdhi këtu për ndeshjen e Ligës së Kampionëve ndaj Benficës”, deklaroi ai.
Ndërkohë, për yllin e Barcelonës, Lamine Yamal, Perez tregoi vlerësim, por mohoi mundësinë e transferimit në kushtet aktuale.
“Të pëlqen Lamine Yamal? Po, sigurisht, si të mos më pëlqejë? Por nuk mund ta nënshkruaj… Jo, jo… Jemi në një situatë të tensionuar me Barcelonën tani, imagjinoni sikur ta bënim këtë!”, përfundoi Perez. /Telegrafi/
Perez ndez edhe më shumë tensionet mes Viniciusit dhe Mbappes
Presidenti i Real Madridit, Florentino Perez, i është rikthyer paraqitjes së tij në konferencë për shtyp në fillim të javës me një intervistë në La Sexta.
Ai foli për një gamë të gjerë temash që lidhen me klubin, përfshirë edhe çështje që prekin ekipin e parë, i cili kohët e fundit ka qenë në një gjendje të trazuar.
Ka pasur shumë raportime për tensione të forta brenda dhomës së zhveshjes te Real Madridi, dhe këto thuhet se arritën pikën e thyerjes javën e kaluar, kur Aurelien Tchouameni dhe Fede Valverde u përplasën fizikisht gjatë një seance stërvitore.
Antonio Rudiger dhe Alvaro Carreras gjithashtu patën një përplasje, ndërsa është intensifikuar edhe zhurma rreth Kylian Mbappe.
Pas dyerve të mbyllura, Perez raportohet se ka qenë i pakënaqur me sjelljen e Mbappe gjatë pushimit të tij të fundit për shkak të lëndimit, por në intervistën për La Sexta i dha mbështetje francezit, sipas Diario AS.
“Mbappe është lojtari më i mirë që Real Madridi e ka në këtë moment. Ai e ka fituar Këpucën e Artë; nuk është se nuk shënon gola. Por diçka duhet të përmirësohet”.
“Na dhemb Liga e Kampionëve, ai gjyqtuar që na e caktuan… Ai nuk donte që ne të ishim në gjysmëfinalet e Ligës së Kampionëve”.
“Ai nuk e kuptoi që Camavinga kishte një karton të verdhë. Nuk e bëri me qëllim të keq, por bëri një gabim”, ka thënë presidenti i Realit.
Deklarata e Perez se Mbappe është lojtari më i mirë i Real Madridit ka pak gjasa të pritet mirë në kampin e Vinicius Junior. /Telegrafi/
Real Madridi hap zyrtarisht zgjedhjet
Real Madridi ka vendosur zyrtarisht të vërë në lëvizje procesin zgjedhor, ashtu siç e kishte premtuar në fillim të javës presidenti aktual, Florentino Perez.
Kandidatët rivalë do të kenë vetëm nëntë ditë kohë për të paraqitur kandidaturat dhe fushatën e tyre.
Perez thirri të martën mbrëma një konferencë të papritur për shtyp për të njoftuar se do të shpallte zgjedhje, duke sfiduar ata që duan ta largojnë nga posti që të garojnë kundër tij.
Në një moment ai deklaroi se do të largohej nga klubi vetëm kur dikush ta mposhtte në zgjedhje, ndërsa në një tjetër u shpreh se do të duhej ta nxirrnin “me plumba”.
Të enjten në mëngjes, Real Madridi konfirmoi zyrtarisht se do të mbajë zgjedhje. Nga 14 maji deri më 23 maj, kandidatët duhet të paraqiten zyrtarisht, ndërsa kjo datë e fundit përkon me ndeshjen e fundit në shtëpi të sezonit për Realin, kundër Athletic Bilbaos. Ditën pasuese, kandidatët do të formalizohen si pjesë e procesit të votimit.
Nuk është dhënë ende një datë për votimin, me klubin që sqaron se kjo do të përcaktohet vetëm nëse ka më shumë se një kandidat. Në katër zgjedhjet e fundit ku ka kandiduar Perez, ai ka garuar pa kundërshtar.
Të mërkurën u raportua se një prej rivalëve që Perez kishte sfiduar publikisht të kandidonte, Enrique Riquelme, po e shqyrtonte mundësinë.
Megjithatë, vetëm pak minuta para se Perez të jepte një intervistë për El Chiringuito, Riquelme bëri të ditur se i kishte dërguar Perez një letër të hapur të publikuar në Marca, ku kërkonte më shumë kohë për të ndërtuar një kandidaturë. /Telegrafi/
