Aksidentohet një kamion me një veturë në Gjakovë, lëndohet një person
Ministrja e Arsimit, Arbërie Nagavci, ka thënë se kanë trajnuar me sukses deri më tani problemin e verifikimit të diplomave për 15.468 studentë.
Sipas saj, dhjetëra mijëra studentë të Kosovës që kanë përfunduar studimet në arsimin e lartë, për një kohë të gjatë nuk kanë mundur t’i verifikojnë diplomat e tyre dhe si rrjedhojë nuk kanë mundur t’i përdorin ato për shkollim apo punësim jashtë vendit.
Ajo ka treguar se një gjë e tillë ka ndodhur për shkak të problemeve të krijuara me librat amëz, si pasojë e rënies pre e mashtrimeve, apo edhe e neglizhencës dhe gabimeve të zyrtarëve të caktuar.
”Me qëllim të gjetjes së zgjidhjes, kam formuar një komision për të trajtuar këto raste. Përfundimisht, pas kaq shumë vitesh, Komisioni deri më tash ka bërë zgjidhje për 15.468 raste dhe tashmë këta studentë mund t’i përdorin diplomat dhe të vazhdojnë me planet e tyre për të ardhmen’’, ka shkruar Nagavci në Facebook.
Nagavci ka potencuar se komisioni do të vazhdojë me trajtimin e rasteve të studentëve të cilët janë dëmtuar pa fajin e tyre.
‘’Ndërkaq, për shkak të dyshimeve për keqpërdorime në këtë proces, ka raste që i kemi adresuar në organet e drejtësisë dhe presim që ato të trajtohen’’. /Albanianpost.com
