Liga Unike e basketbollit, vazhdojnë në gjysmëfinale skuadrat kosovare pasi mposhtën skuadrat nga Shqipëria

Sot është dita e gjysmëfinaleve në Final 8 Liga Unike.

Në gjysmëfinale do të përballen katër skuadrat nga Kosova, që në çerekfinale shënuan fitore ndaj atyre të Shqipërisë.

Njëherësh këto katër skuadra janë edhe katër vendet e para në Superligën e Kosovës, andaj priten sfida shumë interesante dhe rivalizuese.

Përballja e parë do të jetë Golden Eagle Ylli-Peja, apo ish-kampioni dhe kampioni aktual i Ligës Unike. Therandasit kishin fituar në edicionin e parë dhe historik, derisa pejanët triumfuan në edicionin e fundit. Dy skuadrat verdhezi premtojnë spektakël të basketbollit në Vlorë, ku po zhvillohet ky event i basketbollit mbarëshqiptar.

Dueli tjetër pritet të jetë edhe më interesant mes Trepçës dhe Sigal Prishtinës, dy skuadra rivale të basketbollit të Kosovës, që e duan trofeun për herë të parë në histori të klubit.  

Të katër skuadrat duan kalimin në finale, si dhe trofeun e çmuar.

Ndeshja për vendin e tretë dhe finalja zhvillohen të dielën./Express

Read Previous

Zelensky rendit vendet që Putin do të synojë pas Ukrainës

Read Next

Kuvendi me tri seanca plenare në javën e ardhshme