Këto janë procedurat për tu pajisur me leje për posedim të armëve të zjarrit

Ligji për tu pajisur me lejen për posedim të armës së zjarrit është miratuar në gusht të vitit 2015, i cili rregullon të gjitha kushtet e nevojshme për tu pajisur me leje.

Komandanti i stacionit policor në Gjakovë major Milazim Lumi, ka treguar disa nga procedurat që duhet ndjekur sipas ligjit.

Ai gjithashtu tha se për posedim të armëve dhe përdorimin e tyre nga qytetarët duhet të kryhen edhe procedura të tjera, në të kundërten, bartja e tyre konsiderohet armëmbajtje pa leje dhe mund të gjobitet.

Në spitalin e përgjithshëm “Isa Grezda” në Gjakovë, gjithashtu janë caktuar edhe dy ditë të javës për dhënien e certifikatës mjeksore për armë. Komisioni në këtë rast përbëhet nga 5 mjekë të cilët e bëjnë vlerësimin.

Dihet se Ministria e Punëve të Brendshme e mbikqyr pjesën teorike dhe praktike e cila bëhet në poligon. Instruktori i armëve të zjarrit, Albert Brahimi na tregoj punën që bën çdo ditë me personat e interesuar për pjesën praktike të përdorimit.

Përndryshe, qytetarët e komunës së Gjakovës janë të interesuar për tu pajisur me leje për armë të zjarrit, e këtë e konfirmuan edhe në poligon aty ku ushtrohet kjo veprimatari.

Ritheksojmë se çmimi i pajisjes me leje për posedim të armëve të zjarrit kushton rreth 350 euro, përfshirë këtu edhe trajnimet që duhet ndjekur dhe procedurat tjera.