Aksidentohet një kamion me një veturë në Gjakovë, lëndohet një person
Në kuadër të përballjes së sontme me Real Madrid, opinion e tij mbi sfidën e ka dhënë dhe tekniku i Manchester City, Pep Guardiola, i cili ishte në konferencën për shtyp të mbajtur në prag të “finales së parakohshme” të UEFA Champions League.
Ndryshe nga lojtarët apo trajnerët e tjerë, Guardiola tha se nuk është në Madrid për t’u “hakmarrë” për sezonin e shkuar, po për të arritur në finale e më pas për të fituar “veshëllapushen” aq shumë të pritur në “Etihad”.
“Sezonin e kaluar ne erdhëm këtu me shpresën për të arritur në finale. Ne luajtëm mirë në të dyja ndeshjet. Por kjo nuk mjaftoi. Megjithatë, ajo që ndodhi tashmë i përket të shkuarës. Nuk kemi ardhur për hakmarrje. Është vetëm një mundësi tjetër.
Një ditë do të marrim rrugën tonë. Një ditë do të arrijmë në finale dhe do ta fitojmë atë. Dhe ne erdhëm këtu për ta arritur këtë këtë sezon.
Nuk funksionoi sezonin e kaluar sepse u përballëm me Real Madrid, i cili e di saktësisht se çfarë duhet të bëjë në këtë kompeticion. Por sa më shumë të luajmë me të ose me ekipe të tjera të nivelit të lartë, aq më afër do të jemi drejt triumfit”,- tha tekniku i Manchester City. /i.m /abcnews.al
