PDK pritet të dorëzojë sot në Kuvend nismën për ndryshimin e Ligjit për Gjykatën Speciale
Presidenti i Turqisë, Recep Tayyip Erdoğan, ka deklaruar se anëtarësimi në Bashkimin Evropian nuk është më ndër prioritetet kryesore të Ankarasë, ndonëse Turqia nuk e përjashton mundësinë e anëtarësimit në të ardhmen.
Në një intervistë për Al Jazeera, Erdoğan kritikoi qasjen e BE-së ndaj Turqisë, duke thënë se vendi i tij ka pritur për dekada për t’u integruar në union.
“Evropa nuk e ka integruar Turqinë për 53 vjet dhe nuk planifikon ta bëjë këtë që tani e tutje. Ne nuk e mbyllëm derën”, tha ai.
Erdoğan u shpreh se Ankaraja vazhdon të jetë e hapur ndaj anëtarësimit, por nuk po ushtron më të njëjtin presion për t’u pranuar në BE.
“Ne po mendojmë të bashkohemi me Bashkimin Evropian. Nëse na pranojnë, kjo është në rregull, nëse nuk na pranojnë, kjo është gjithashtu në rregull”, deklaroi presidenti turk.
Ai shtoi se prioritetet e Turqisë tashmë janë më të gjera se procesi i anëtarësimit në BE.
“Prioriteti ynë nuk është Bashkimi Evropian. Ne vazhdimisht u themi atyre se ata do të jenë ata që do të humbasin, jo Turqia”, tha Erdoğan.
Turqia aplikoi për anëtarësim në BE në vitin 1987, ndërsa negociatat e anëtarësimit nisën në vitin 2005. Procesi është ngadalësuar ndjeshëm dhe ka mbetur kryesisht i bllokuar prej vitesh.
