Aksidentohet një kamion me një veturë në Gjakovë, lëndohet një person
Divorcet në Shqipëri janë rritur ndjeshëm, një në katër çifte ndahen. I ftuar në A2 CNN, sociologu Gëzim Tushi foli për këtë fenomen në rritje.
Sociologu u shpreh se një ndër problemet që ka rritur divorcin është edhe lehtësia me të cilin martohen të rinjtë.
“Binomi martesë-divorc është i përjetshëm, universal. Në të gjithë historinë kanë ekzistuar. Diagnozën duhet ta bëjmë me të kaluarën. Në kohën e sotme, divorci ndodh më shpesh. Duhet të shikojmë arsyet personale dhe sociale. Ka dy grupe arsyesh që kanë sjellë këtë shifër që është goxha e lartë. Në fakt, nuk jemi nga vendet e para në Europë, por në Ballkan. Në Danimarkë e Finlandë arrin në gati 50%.
Mendoj se te ne është kjo situatë pasi kam përshtypjen që edhe martesa bëhet me mendjelehtësi dhe po me kaq mendjelehtësi bëhet edhe divorci. Tek të rinjtë edhe kultura e martesës është me defekte dhe kultura e divorcit është me defekte. Kjo do të thotë se shpesh të rinjtë marrin vendimin për ta krijuar këtë institucion nën aparencën e jashtme, nën tundimin e seksualitetit, nën parapëlqimet momentale”, u shpreh sociologu./A2news/
