Edon Zhegrova tregon synimin e madh pas qëndrimit te Juventusi
Komisioni Evropian ka konfirmuar se nevojat financiare dhe ushtarake të Ukrainës për vitin 2026 janë tashmë të mbuluara, duke i dhënë fund pasigurive rreth një mungese prej rreth 24 miliardë eurosh.
Kievi kishte sinjalizuar në fund të gushtit një hendek financiar prej 23.92 miliardë eurosh në buxhetin e Ministrisë së Mbrojtjes, duke paralajmëruar se mungesa e fondeve mund të rrezikonte furnizimet me armë.
Komisioni Evropian njoftoi të enjten se, përmes përpjekjeve të koordinuara, janë identifikuar mjetet e nevojshme për të mbuluar nevojat buxhetore dhe të mbrojtjes së Ukrainës për vitin 2026.
“Sot, përmes përpjekjeve të koordinuara të përbashkëta, kemi identifikuar mjetet për të mbuluar nevojat buxhetore dhe të mbrojtjes së Ukrainës për vitin 2026”, thuhet në deklaratën e publikuar nga presidentja e Komisionit Evropian, Ursula von der Leyen.
Ajo shtoi se janë rikonfirmuar edhe hapat e nevojshëm për të siguruar që fondet të vihen në dispozicion në kohën e duhur.
Ky zhvillim i jep fund debatit të nisur pas kërkesës së presidentit ukrainas, Volodymyr Zelenskyy, drejtuar aleatëve për të mbuluar deficitin financiar dhe për të garantuar vazhdimin e furnizimeve ushtarake për Ukrainën.
