A do të ndryshojë vendimin për largimin nga PSG, Mbappe pas fitores kundër Barcelonës?

Ylli i Paris Saint-Germain, Kylian Mbappe ka hedhur poshtë idenë se suksesi në Evropë me klubin mund të ndryshojë mendjen e tij për largimin e tij të ardhshëm.

Në mesin e shkurtit, PSG-ja komunikoi me mediat se ai do të largohej dhe ndërsa nuk e ka bërë të ditur destinacionin e ardhshëm, të gjithë presin që sezonin e ardhshëm të mbajë fanellën e Real Madridit.

“Jo, jo, jo”, u përgjigj ai kur u pyet nëse ka ndryshuar mendjen për vendimin e tij, i cili do të jetë muzikë për veshët e tifozëve të Los Blancos.

💬 Kylian Mbappé : « Oui je suis fier d'être Parisien, et ce depuis le premier jour. Mon rêve est de gagner la Ligue des champions avec le PSG, on va tout faire pour aller en finale. »#FCBPSG pic.twitter.com/GFlj5edRWQ— L'ÉQUIPE (@lequipe) April 16, 2024

Së pari dhe më kryesorja në mendjen e Mbappes do të jetë përpjekja për të fituar Ligën e Kampionëve si një mënyrë për t’u larguar në mënyrën më dramatike, pasi PSG përpiqet të bëhet vetëm klubi i dytë francez që fiton një Kupë Evropiane pas Olympique Marseille.

“Unë kam ëndërr për të fituar Ligën e Kampionëve me Parisin. Sigurisht. Është një hap më shumë tani kundër një ekipi të madh dhe ne do të përpiqemi të arrijmë në Ëembley”

“Të luash për skuadrën nga kryeqyteti i vendit tim është shumë e veçantë, i kam ëndërruar këto kualifikuese kur erdha në PSG. Është një ditë e mrekullueshme për klubin. Jam krenar që jam parisian”, ka thënë Mbappe.

Mbappe nuk besohet të ketë nënshkruar asgjë me Real Madridin, por një marrëveshje verbale për t’u bashkuar me ta është në fuqi.

Raportet e fundit thonë se Mbappe dhe Real Madrid janë ende duke finalizuar detajet e kontratës së tij në lidhje me të drejtat e imazhit të francezit dhe nëse ai do të luajë në Lojërat Olimpike të Parisit këtë verë. /Telegrafi/