Instituti Hidrometeorologjik i Kosovës (IHMK) ka njoftuar se mbi vendin tonë gjatë dy ditëve të ardhshme do të mbajë mot kryesisht i vranët.
IHMK bën të ditur se në viset malore parashihen fjolla të dobëta bore.
“Temperaturat minimale do të lëvizin ndërmjet -2 deri 0 gradë Celsius ndërsa maksimalet e ditës parashihen të lëvizin ndërmjet 1-2 gradë Celsius”, thuhet në njoftim.
Më tej, në njoftim thuhet se do të fryjë erë e lehtë deri mesatare nga drejtimi i verilindjes.
