Endrick: Do të luftoj çdo ditë për të qëndruar te Real Madridi
Në janar, Manchester City pret përfundimin e apelit të tij kundër një vendimi që e shpalli klubin fajtor për shkelje të rënda të rregulloreve financiare të Premier Ligës.
Kjo çështje mund të ketë pasoja që shkojnë përtej fushës së lojës, duke përfshirë ndikime të mundshme politike në marrëdhëniet midis klubit anglez dhe institucioneve britanike.
Sipas David Kogan, kreut të Organit të Pavarur Rregullator të Futbollit (IFR), procedurat pritet të shqyrtohen nga mesi deri në fund të janarit. “Premier Liga dëshiron që çështja të zgjidhet brenda sezonit aktual,” shpjegoi ai, duke theksuar se vendimi do të merret nga një komision i pavarur, i përbërë nga tre ish-gjyqtarë ose avokatë.
Kogan deklaroi gjithashtu se është i gatshëm të japë dorëheqjen nëse ka ndërhyrje politike në punën e organit rregullator. “Ne do të arrijmë në një vendim bazuar në prova,” pohoi ai.
Ndërkohë, City këmbëngul se zotëron argumente të forta për të rrëzuar vendimin. Një komision i pavarur e kishte shpallur më parë klubin fajtor për shkelje që përfshijnë periudhën 2009–2018, një çështje që renditet ndër skandalet më të rënda financiare në historinë e sportit britanik.
Akuzat e konfirmuara sugjerojnë se llogaritë e klubit janë manipuluar përmes marrëveshjeve fiktive, me një vlerë totale prej rreth 900 milionë paundësh gjatë nëntë sezoneve.
Sanksionet e mundshme përfshijnë heqjen e pikëve, gjoba, përjashtimin nga Premier Liga dhe heqjen e titujve. Pasi të përfundojnë procedurat, pronarët e klubit nga Emiratet, të udhëhequr nga Sheik Mansour, mund të bëhen gjithashtu objekt shqyrtimi nga IFR-ja. /Telesport.al/
