Erdogan, Shiroka-Pulës: Bashkëpunimi me Kosovën do të vazhdojë të zhvillohet

Presidenti i Turqisë, Recep Tayyip Erdogan e ka uruar homologen e tij nga Kosova, Justina Shiroka – Pula për marrjen e detyrës si shefe e shtetit.

Erdogan ka shfaqur bindjen se kontributi i bashkëpunimit për stabilitetin dhe paqen rajonale do të vazhdojë të rritet edhe gjatë mandatit të presidentes Shiroka Pula.

“Në letrën e tij, Presidenti Erdoğan, në emër të popullit turk dhe në emrin e tij personal, i ka shprehur Presidentes Shiroka Pula urimet më të sinqerta, duke shprehur besimin se bashkëpunimi shumëdimensional ndërmjet dy vendeve do të vazhdojë të zhvillohet edhe në periudhën e ardhshme”, thuhet në letrën e presidentit turk.

Në përfundim të letrës, presidenti Erdoğan i ka uruar Presidentes Shiroka Pula shëndet, ndërsa popullit të Kosovës paqe dhe prosperitet. /KosovaPress/