Ministria e Drejtësisë: Projektligji për Specialen kërkon vlerësim të veçantë
Kreu i Departamentit të Korrigjimeve në Tennessee, SHBA, Frank Strada, ka dhënë dorëheqjen pas ekzekutimit të dështuar të të dënuarës me vdekje, Christa Pike.
Pike, e dënuar me vdekje për vrasjen e Colleen Slemmer në vitin 1996, i mbijetoi dy injeksioneve gjatë ekzekutimit të zhvilluar të mërkurën. Ajo aktualisht ndodhet në gjendje kritike në një spital të Tennessee-t.
Pas incidentit, guvernatori i Tennessee-t, Bill Lee, ka urdhëruar një hetim të pavarur dhe ka pezulluar të gjitha ekzekutimet në shtet për pjesën e mbetur të vitit.
Strada tha se dorëheqja e tij është në interesin më të mirë të shtetit, ndërsa theksoi se një hetim i plotë është i nevojshëm për të zbardhur rrethanat e ekzekutimit të dështuar.
Avokatët e Pike e kanë cilësuar dorëheqjen si të justifikuar, por kanë deklaruar se ajo “nuk i ndihmon Christës tani”, duke e përshkruar rastin si një dështim sistemik të sistemit të dënimit me vdekje.
Ndërkohë, avokatët e Pike po kërkojnë që dënimi me vdekje ndaj saj të zëvendësohet me një dënim tjetër.
