61 raste të reja të trajtuara nga Zyra për Mbrojtje dhe Ndihmë të Viktimave brenda një jave
Policia e Minneapolisit ka identifikuar njërin prej dy personave për të cilët beson se vodhën vepra arti në vlerë prej rreth 80 mijë dollarësh nga studioja e artistit 80-vjeçar, Leon Hushcha, në një vjedhje ku u përfshinë disa vepra.
Ricardo Andres Bassat, 56 vjeç, është akuzuar për vjedhje të rëndë dhe pritet të paraqitet të hënën në Gjykatën e Qarkut, Hennepin Policia ende është në kërkim të bashkëpunëtorit të tij të dyshuar. Dokumentet gjyqësore përshkruajnë Bassat si një “artist amator që është i familjarizuar me stile të ndryshme të veprave të artit”.
Vjedhja ndodhi herët në mëngjesin e 2 qershorit në studion e Hushcha, në lagjen “North Loop të Minneapolisit”. Pamjet e kamerave të sigurisë treguan dy persona që mbërritën me një karrocë bosh rreth orës 6:45 të mëngjesit, njëri prej tyre i veshur me një jelek. Rreth 30 minuta më vonë, ata u larguan duke shtyrë karrocën, e cila tashmë ishte e ngarkuar dhe e mbuluar me një pëlhurë të zezë. Sendet e vjedhura përfshinin piktura, grafika dhe pjata të punuara me dorë, me vlerë rreth 80 mijë dollarë.
Më vonë, një informator e identifikoi personin me jelek si Bassat dhe i tregoi policisë. Policia kontrolloi depon e tij më 1 korrik dhe gjeti 14 piktura të Hushchas brenda një kutie të madhe të zezë mbrojtëse të markës “Pelican”. Në depo u gjet edhe një portofol me skica të nënshkruara “Bassat”, së bashku me letër poste që mbante emrin e tij.
“Përshtypja ime ishte se ai po përpiqej të bëhej vetë artist”, ka thënë Hushcha.
Artisi Hushcha ka kaluar më shumë se 60 vjet duke krijuar vepra abstrakte dhe figurative në zonën e Twin Cities. 14 pikturat e gjetura vlerësohen në rreth 60 mijë dollarë, ndërsa katër piktura dhe 80 grafika ende mungojnë. Pikturat u kthyen të paprekura, megjithëse kornizat e tyre ishin një çështje tjetër. Novaku i përshkroi ato si “të copëtuara dhe të dëmtuara”, sikur hajdutët t’i kishin hedhur veprat sa andej-këndej. Tash planifikon ekspozitë me pikturat e kthyera
Policia e Minneapolisit ka identifikuar njërin prej dy personave për të cilët beson se vodhën vepra arti në vlerë prej rreth 80 mijë dollarësh nga studioja e artistit 80-vjeçar, Leon Hushcha, në një vjedhje ku u përfshinë disa vepra.
Ricardo Andres Bassat, 56 vjeç, është akuzuar për vjedhje të rëndë dhe pritet të paraqitet të hënën në Gjykatën e Qarkut, Hennepin Policia ende është në kërkim të bashkëpunëtorit të tij të dyshuar. Dokumentet gjyqësore përshkruajnë Bassat si një “artist amator që është i familjarizuar me stile të ndryshme të veprave të artit”.
Vjedhja ndodhi herët në mëngjesin e 2 qershorit në studion e Hushcha, në lagjen “North Loop të Minneapolisit”. Pamjet e kamerave të sigurisë treguan dy persona që mbërritën me një karrocë bosh rreth orës 6:45 të mëngjesit, njëri prej tyre i veshur me një jelek. Rreth 30 minuta më vonë, ata u larguan duke shtyrë karrocën, e cila tashmë ishte e ngarkuar dhe e mbuluar me një pëlhurë të zezë. Sendet e vjedhura përfshinin piktura, grafika dhe pjata të punuara me dorë, me vlerë rreth 80 mijë dollarë.
Më vonë, një informator e identifikoi personin me jelek si Bassat dhe i tregoi policisë. Policia kontrolloi depon e tij më 1 korrik dhe gjeti 14 piktura të Hushchas brenda një kutie të madhe të zezë mbrojtëse të markës “Pelican”. Në depo u gjet edhe një portofol me skica të nënshkruara “Bassat”, së bashku me letër poste që mbante emrin e tij.
“Përshtypja ime ishte se ai po përpiqej të bëhej vetë artist”, ka thënë Hushcha.
“Kjo ishte padyshim përshtypja ime dhe mendova: ‘Mirë, sa e çmendur mund të bëhet e gjithë kjo?’”.
Asistentja e studios së Hushchas, Carley Novak, e quajti zbulimin e veprave të Bassatit të përziera me ato të Hushcha-s “qershia mbi tortë” e grabitjes së dyshuar. “Nuk janë të këqija, ai nuk është i tmerrshëm, por padyshim që nuk është Leon Hushcha”, ka thënë Novak.
Hushcha ka kaluar më shumë se 60 vjet duke krijuar vepra abstrakte dhe figurative në zonën e Twin Cities. 14 pikturat e gjetura vlerësohen në rreth 60 mijë dollarë, ndërsa katër piktura dhe 80 grafika ende mungojnë. Pikturat u kthyen të paprekura, megjithëse kornizat e tyre ishin një çështje tjetër. Novak i përshkroi ato si “të copëtuara dhe të dëmtuara”, sikur hajdutët t’i kishin hedhur veprat sa andej-këndej.
Hushcha dhe Novak tani planifikojnë ta shndërrojnë një pjesë të kësaj përvoje në një ekspozitë. Veprat e gjetura do të ekspozohen në studion e tij duke filluar nga 17 shtatori, të shoqëruara nga etiketat e provave që policia u kishte vendosur pas rikuperimit të tyre.
Bassat u akuzua përmes një thirrjeje gjyqësore. Dokumentet e gjykatës nuk tregojnë ndonjë avokat që e përfaqëson. E kaluara e tij kriminale përfshin dënime për sulm me armë të rrezikshme dhe vjedhje të nivelit të kundërvajtjes.
Hushcha, nga ana e tij, duket më shumë i hutuar sesa i zemëruar. Ai i tha gazetës se, nëse personat përgjegjës thjesht do të kishin kërkuar falje dhe do t’i kishin kthyer veprat, ai do t’i kishte falur.
“Në njëfarë kuptimi, është e padëmshme, por mendoj se është një mësim për komunitetin e artistëve se duhet të jenë të kujdesshëm me atë që bëjnë dhe me mënyrën se si i ruajnë veprat e tyre”, tha ai.
(Marrë nga ArtNews)
