Sulmuesi i Kosovës, Vedat Muriqi me Mallorcan të shtunën kanë pësuar disfatë në shtëpi nga Villarreali me rezultatin 2:1. Ndeshja i takoi xhiros së pestë të La Ligas.
Mysafirët kaluan të parët në epërsi në minutën e 27-të me golin që e shënoi mbrojtësi, Logan Costa.
Vendësit barazuan në 1:1 në minutën e 57-të me autogolin që e realizoi 39-vjeçari, Raul Albiol. Golin e fitores për Villarrealin e shënoi Ayoze Perez në minutën e 94-të. Muriqi e kompletoi ndeshjen. Mallorca nga minuta e 69-të ishte më një futbollist më pak në fushë. Toni Lato u ndëshkua me karton të kuq.
Mallorca këtë edicion ka një fitore, dy barazime dhe dy humbje. Villarreali ka tri fitore dhe dy barazime. /Koha.net/
