Turistët që shijojnë pamjet e kartolinave të liqeneve të Lucernit, Thun ose Neuchatel mund të habiten kur të mësojnë se çfarë fshihet nën ato ujëra të pacenuara alpine.
Për vite të tëra, ushtria zvicerane përdori liqenet si venddepozitim për municionet e vjetra, duke besuar se ato mund të asgjësoheshin në mënyrë të sigurt atje.
Vetëm në liqenin e Lucernit vlerësohet se ka rreth 3,300 ton municione dhe 4,500 ton në ujërat e Neuchatel, të cilat forcat ajrore zvicerane i përdorën për praktikën e bombardimeve deri në vitin 2021.
Disa municione janë në thellësi nga 150 deri në 220 metra, por të tjerët në liqenin Neuchatel janë vetëm gjashtë ose shtatë metra nën sipërfaqe.
Tani, departamenti zviceran i mbrojtjes po ofron 50,000 franga (45,000 £) në para për idenë më të mirë për ta nxjerrë atë.
Tre idetë më të mira për një zgjidhje të sigurt dhe mjedisore për të tërhequr municionet do të ndajnë çmimin – por operacioni i shpëtimit pritet të kushtojë miliarda./BBC/
