Franca e ka fituar medaljen e artë në turneun e volejbollistëve në Lojërat Olimpike në Paris.
Të shtunën, Franca në finale mposhti Poloninë me 3:0 në sete. Ndeshja ishte shumë e fortë, por e dominuar nga francezët.
Seti i parë përfundoi 25:19, ndërsa dallimi në setin e dytë ishte pesë pikë. 25:20.
Në setin e tretë Franca u shkëput 24:19, por polakët nuk u dorëzuan dhe u afruan në 24:23. Megjithatë shërbimin e fundit e humbi lojtari më i mirë i Polonisë dhe kështu e arta olimpike i takoi nikoqirëve.
Franca e mbrojti titullin olimpik të fituar në Tokio tri vjet më parë.
Medaljen e bronztë te volejbollistët e fitoi SHBA-ja, që të premten fitoi 3:0 në sete ndaj Italisë./koha.net/
