25-vjetori i çlirimit të Kosovës është kujtuar nga Qendra Presidenciale Clinton e cila në platformën X ka publikuar një video të presidentit amerikan, Bill Clinton.
Në postim thuhet se ShBA-ja në atë kohë i drejtoi aleatët e NATO-s në një fushatë ajrore që dëbuan me sukses forcat serbe, duke i dhënë fund një dekade shtypjeje dhe një fushate brutale të pastrimit etnik, duke i dhënë fund luftës në Kosovë.
“Aksioni ushtarak ndihmoi në rivendosjen e vetëqeverisjes për krahinën dhe çoi në pavarësi për Kosovën në 2008”, shkroi Qendra Presidenciale “Clinton” e cila paraqet punën, të kaluarën, të tashmen dhe të ardhmen e presidentit Bill Clinton.
Të njëjtën e ka shpërndarë ish-presidenti Bill Clinton, i cili ka falënderuar për 25 vjet paqe në Kosovë, e të cilit më pas i ka reaguar presidentja e vendit, Vjosa Osmani, duke thënë se ai e ka mundësuar këtë paqe.
Më 1999, në kohën kur u mor vendimi për të sulmuar caqet serbe, president i ShBA-së ishte Bill Clinton.
Twenty-five years ago, the United States led @NATO Allies in an air campaign that successfully expelled Serbian forces, ending a decade of repression and a brutal campaign of ethnic cleansing, bringing the war in Kosovo to an end. The military action helped restore… pic.twitter.com/3jiEOlvP7s
— Clinton Presidential Center (@ClintonCenter) June 11, 2024
