Eshtrat e dy viktimave të vrarë në kullat e Qendrës Botërore të Tregtisë në New York më 11 shtator 2001 mund të identifikohen duke përdorur ADN-në, njoftuan autoritetet amerikane.
Në total, 1 mijë e 649 njerëz janë identifikuar nga 2 mijë e 753 që vdiqën gjatë sulmeve.
Identiteti i dy viktimave, një burrë dhe një grua, nuk është bërë i ditur me kërkesë të familjeve.
Dy identifikimet e reja u bënë të mundura falë një “teknologjie të sekuencës së gjeneratës së ardhshme të miratuar rishtas – më e ndjeshme dhe më e shpejtë se teknikat konvencionale të ADN-së” dhe e përdorur në veçanti nga ushtria amerikane.
Sulmet përkujtohen çdo vit në New York me ceremoni zyrtare, siç do të ndodhë të hënën.
Pavarësisht se sa kohë kalon që nga 11 shtatori 2001, autoritetet sigurojnë se do të përdorin të gjitha mjetet në dispozicion për t’u siguruar që të gjithë ata që kanë humbur, të ribashkohen me familjet e tyre.
Më 11 shtator 2001, e gjithë bota do të tronditej nga një sulm terrorist që goditi zemrën e SHBA-ve – World Trade Center.
Me autorësinë e marrë nga Osama bin Laden, kreu i al-Qaeda-s, amerikanët do të nisnin një mësymje në Afganistan, e cila do të zgjaste 20 vjet.
Dy dekada më pas, asgjë nuk është më e njëjtë, por gjithçka, duket si më parë!
Bota ndryshoi radikalisht, por fytyra, i mbeti e njëjtë. /Albanianpost.com
