Richard Sharp ka njoftuar dorëheqjen e tij si drejtues i BBC-së pas një raporti që zbuloi se ai kishte shkelur kodin për emërimet publike.
Në një deklaratë të dhënë përpara publikimit të raportit, Sharp tha se Adam Heppinstall KC, i cili udhëhoqi hetimin, kishte arritur në përfundimin “se ndërsa unë kam shkelur kodin e qeverisjes për emërimet publike, ai deklaron se një shkelje nuk e bën domosdoshmërish të pavlefshëm një emërim”.
“Në të vërtetë, unë gjithmonë kam thënë se shkelja ishte e paqëllimshme,” tha ai.
Megjithatë, Sharp tha se po jepte dorëheqjen për të mbrojtur të drejtat e BBC. Ai tha se do të qëndrojë në detyrë deri në fund të qershorit, ndërsa do të zhvillohej procesi për emërimin e pasuesit të tij.
Ai dyshohet se ka ndihmuar Boris Johnson të merrte një kredi deri në 800,000 £ javë përpara se të rekomandohej për këtë detyrë nga kryeministri i atëhershëm. /abcnews.al
