Presidentja Vjosa Osmani ka pritur në një ndejë ambasadorët e shteteve të huaja, me rastin e festave të fundvitit.
Osmani tha se aty përmendi ndikimin pozitiv që kanë pasuur partneritetet për Kosovën dhe falënderoi ata për mbështetjen e vazhdueshme.
“Kosova është më e fortë me miqtë në krah të saj. Këtë javë, në pritjen e fundvitit me trupin diplomatik, kujtova ndikimin pozitiv që kanë pasur partneritetet tona me aleatët në Kosovë dhe për qytetarët tanë dhe falënderova komunitetin ndërkombëtar për mbështetjen e vazhdueshme”, ka shkruar Osmani në Twitter, duke bashkangjitur fotografi.
