Si prodhohet djathi, një ndër specialitetet e Qumështores Gexha
Këtë mesditë të 12 dhjetorit në Tiranë u prezantua projekti për Portin të ri Tregtar të Durrësit, i cili ka përfunduar fazën e tij të parë.
Kryeministri i Shqipërisë, Edi Rama, në fjalën e tij tha se porti do të jetë nyja më e rëndësishme strategjike e gjithë rajonit për shkëmbimet tregtare me rajonin.
“Është duke filluar nga integrimi me Kosovën dhe Maqedoninë e Veriut përmes Durrësit dhe Strugës do t’i japë këtij rajoni një kapacitet krejt tjetër për të përpunuar volum krejt tjetër tregtar”.
Kështu për numrin një të Qeverisë, të gjitha rrugët e Ballkanit Perëndimor të çojnë në Durrës.
Rama u shpreh se ky port e çon bashkëpunimin rajonal në një nivel krejt tjetër.
“Ne e kemi nisur këtë proces paralelisht me Kosovën, ashtu sikundër kemi filluar punën për hekurudhën dhe kemi mbështetur financiarisht studimin e vizibilitetit për portin e Thatë të Prishtinës”.
Të pranishëm ishin Rama, zëvendëskryeministri i Maqedonisë së Veriut Artan Grubi, homologia e tij shqiptare, Belinda Balluku dhe ministri i Kosovës për Mjedisin, Planifikimin Hapësinor dhe Infrastrukturën, Liburn Aliu.
/Albanianpost.com
