152 ditë luftë në Ukrainë, si është situata

· Ukraina parashikon se do të rimarrë rajonin jugor të Khersonit deri në shtator. “Mund të themi se rajoni i Khersonit do të çlirohet patjetër deri në shtator dhe të gjitha planet e pushtuesve do të dështojnë,” tha Sergiy Khlan, një ndihmës i kreut të rajonit Kherson. Presidenti Volodymyr Zelensky tha gjithashtu se forcat ukrainase po lëviznin “hap pas hapi” në Kherson.

· Ukraina ka paralajmëruar se marrëveshja për eksportin e grurit përmes Detit të Zi do të bllokohet nëse ka sulme të mëtejshme ajrore në portet kryesore.

· Ministri i Jashtëm rus, Sergei Lavrov, ka nisur një turne në disa vende të Afrikës. Në ndalesën e tij të parë në Egjipt ai kërkoi të siguronte homologun e tij Sameh Shoukry se furnizimet ruse me drithëra do të vazhdonin dhe u takua me sekretarin e përgjithshëm të Lidhjes së Shteteve Arabe, Ahmed Aboul Gheit, ku foli për thellimin e bashkëpunimit midis Rusisë dhe Ligës Arabe.

· Presidenti gjerman, Frank-Walter Steinmeier, tha se lufta e Rusisë kundër Ukrainës është gjithashtu një “luftë kundër unitetit të Europës”. “Ne nuk duhet të lejojmë që të ndahemi, nuk duhet të lejojmë që puna e madhe e një Europe të bashkuar që e kemi nisur të shkatërrohet. Kjo luftë nuk ka të bëjë vetëm me territorin e Ukrainës, por ka të bëjë me themelin e dyfishtë të përbashkët të vlerave tona dhe rendit tonë të paqes”.

· Gati gjysmë milioni fëmijë ukrainas shkojnë në shkollë në Bashkimin Europian, sipas Departamentit të Migracionit dhe Çështjeve të Brendshme të Komisionit Europian. Një total prej 492,647 fëmijë ukrainas ishin integruar në sistemet kombëtare shkollore të Bashkimit Europian, tha departamenti./AnabelMedia/