Aksidentohet një kamion me një veturë në Gjakovë, lëndohet një person
Është mbajtur mbledhja e parë e rregullt e Kuvendit Komunal në Gjakovë për vitin 2021. Mbledhja kishte 11 pika të caktuara në rendin e ditës.
Fillimisht u bë shqyrtimi i procesverbaleve të mbledhjes së kaluar. Më pas asambleistët parashtruan pyetje të ndryshme për kryetarin dhe drejoritë përkatëse, me theks të vecantë për Drejtorinë e Shërbimeve Publike. Pastaj kryetari Gjini njoftoi të pranishmit për planin e punës së Ekzekutivit për vitin 2021 si dhe raportoi mbi gjendjen ekonomike financiare dhe zbatimin e planeve investuese në Komunën e Gjakovës për vitin 2020. U vazhdua me pikën e paraqitur për përkrahjen e personave të prekur me covid 19 sipas komisionit përkatës, pikë kjo që zgjoi debat mes asambleistëve dhe ekzekutivit. Kryetari Gjini u shpreh i habitur se si të gjithë janë pro votimit të kësaj pike por megjithatë nuk po hezitojnë ta zgjasin diskutimin.
Diskutimi vazhdoi më pas me këto pika të tjera:
Shqyrtimi i kërkesës për nxerrjen e vendimit për punimin e Planit Zhvillimor Komunal (PZHK)
Shqyrtimi i Programit komunal tri vjecar për Banim 2021-2023.
Strategjia Komunale për Komunikim 2021-2023.
Draft Rregullorja Komunale për Transparencë.
Plani i Veprimit për Transparencë në Komunën e Gjakvoës për Periudhën 4 vjecare 2021-2025.
Informata për dëmet e shkaktuara nga vërshimet dhe reshjet e fundit në Komunën e Gjakovës.
Certifikimi i punës me pije alkoolike, të pezullohet për vitin 2021, me qëllim të ndihmës për këtë sektor.
