Kulturë
Shkronjat

Ura e Terzive, e njohur edhe si “Ura e rrobaqepësve”, u ndërtua rreth vitit 1730 mbi lumin Erenik nga një rrobaqepës i njohur i një familjeje Terzi të Gjakovës.

Ndërtimi i urës zgjati dhjetë vjet. Mirëpo, sipas mbishkrimit arab në një gur të gdhendur, shënohet që ura është ndërtuar në fund të shekullit XV dhe ishte restauruar gjatë shekullit XVII nga Perandoria Osmane, përcjell KultPlus.

Në kuadër të programit të “Intervenimeve emergjente kulturore” në vitin 2015 u bë konsolidimi i urës nga CHwB Kosova. Intervenimet u fokusuan kryesisht në pjesët më të dëmtuara të strukturës të shkaktuara nga mos mirëmbajtja dhe vërshimet e viteve të fundit në lumin Erenik. Ky program u financua nga Prince Claus Fund.